Coneix quina és la relació dels organismes que depenen o estan vinculats a aquesta entitat.
Conjunt de dades que mostra la relació dels organismes que depenen o estan vinculats amb aquesta entitat.
Eth Conselh Generau d’Aran compde damb organismes autonòms e societats mercantiles pròpries entà garantir era gestion des servicis publics e era prestacion d’activitats d’interès generau ena Val d’Aran. Entre aguesti organismes i é eth Servici Aranés de Benèster e Salut, encargat dera gestion des servicis sanitaris e sociaus, e Foment Torisme Val d’Aran, destinat ara promocion toristica e ath desvolopament economic deth territòri. Tanben depenen deth Conselh societats mercantiles coma Aran Salut, Servicis Assistenciaus Integrats, SL, dedicada ara gestion assistenciau e sociosanitària, e Pompièrs Emergéncies, SL, responsabla des servicis d’emergéncies, proteccion civila e pompièrs dera Val d’Aran.
“Foment Torisme Val d’Aran” ei un organisme autonòm de caractèr economic creat peth Conselh Generau d’Aran entà promòir eth torisme dera Val d’Aran, protegir es sòns valors socioculturaus e impulsar eth desvolopament toristic deth territòri. Era entitat a personalitat juridica pròpria, patrimòni independent e capacitat entà gestionar servicis, contractar personau, establir convènis e administrar recorsi economics. Era sua organizacion se base ena Assemblea Generau, eth Conselh Rector, eth Conselh Tecnic e era geréncia, qu’amien a tèrme era direccion, era gestion e er assessorament des activitats toristiques. Es estatuts tanben regulen eth foncionament economic, era gestion deth personau e eth contròl exercit peth Conselh Generau d’Aran. Visit Val d'Aran
Eth “Servici Aranés de Benèster e Salut” ei un organisme autonòm deth Conselh Generau d’Aran encargat dera gestion des servicis publics de salut e servicis sociaus ena Val d’Aran. Era sua finalitat ei mantier e melhorar eth benèster e era salut dera populacion aranesa mejançant era coordinacion de recorsi, equipaments, programes e servicis sanitaris e sociaus. Er organisme gestione servicis d’atencion sociau, assisténcia sanitària, salut publica, atencion sociosanitària, salut mentau e emergéncies mediques. Era sua estructura de govèrn se compause deth Conselh de Direccion, eth Comitè Executiu, era direccion e eth Conselh Aranés de Benèster e Salut, que garantissen era gestion, era participacion comunitària e era coordinacion damb es administracions e entitats deth territòri. SABS
“Pompièrs Emergéncies, SL” ei ua societat de responsabilitat limitada de capitau integrament public depenenta deth Conselh Generau d’Aran, creada entà gestionar es servicis d’emergéncies, pompièrs e proteccion civila dera Val d’Aran. Era entitat a coma objectiu garantir era atencion des emergéncies medicaus, eth sauvament e escandiment de huecs, es rescats de montanha, era proteccion civila e era coordinacion des situacions de risc e catastròfes. Entre es sues foncions i é era gestion des recorsi umans e materiaus, era prevencion de risqui, era formacion deth personau, atau coma era organizacion deth còs de Pompièrs d’Aran. Era societat s’organize a trauès dera Junta Generau, eth Conselh d’Administracion, era Geréncia e era Prefectura de Pompièrs Emergéncies, qu’assumissen es prètzhèts de direccion, gestion e coordinacion operativa des servicis. Pompìèrs Emergéncies
“Aran Salut, Servicis Assistenciaus Integrats, SL” ei ua societat mercantila comarcau de responsabilitat limitada, damb capitau integrament public dependenta deth Servici Aranés de Benèster e Salut e deth Conselh Generau d’Aran, creada entà gestionar e administrar es servicis sanitaris e sociaus dera Val d’Aran, atau coma es centres, establiments e programes de salut, atencion sociosanitària, salut mentau e assisténcia sociau. Era societat preste ua atencion sanitària integrada que compren era atencion primària, espitalària, especializada, sociosanitària e de salut mentau, atau coma servicis sociaus, programes de promocion dera salut e medicina preventiva. Era sua organizacion se base ena Junta Generau, eth Conselh d’Administracion e era Direccion-Geréncia, organs encargadi dera gestion, direccion e coordinacion des activitats assistenciaus e sociaus dera entitat. Aran Salut
